قال الشيخ عويضة عثمان، أمين الفتوى بدار الإفتاء المصرية، إن تصوير الحاج لنفسه خلال أداء المناسك ليس حرامًا في حد ذاته، لكنه حذّر من المبالغة والانشغال بالتصوير بما يخرج المسلم عن روح العبادة وخشوعها.
أمين الفتوى: تصوير النفس خلال الحج ليس حرامًا لكن اجعل فرحتك بالعبادة بينك وبين الله
وأَضاف أمين الفتوى بدار الإفتاء المصرية، خلال تصريحات تليفزيونية، ردًا على سؤال حول حكم تصوير النفس خلال الحج: ليس ذنبًا، لكن ما تقعدش تشغل نفسك بالكاميرا وأنت بتطوف، كل شوية تفتح الكاميرا وتصور وأنت مش مركز، يا جماعة دي عبادة، ينفع الواحد يقوم الليل ويصور نفسه؟ طب لو أنا صايم، هل أعمل فيديو وأقول أنا صايم يا جماعة؟ لا مش كده
مواضيع مشابهة: التعليم تعلن عن خطوات رسمية للإجابة في امتحانات الثانوية العامة 2025
وتابع: فرحتك بإن ربنا وفّقك للحج فرحة عظيمة، اجعلها بينك وبين الله، اسجد شكرًا، إحمد ربك، مش لازم تصور وتبعت وتقول أنا دعيت لك، ادعي بظهر الغيب، وربنا يعلم ويقبل
مواضيع مشابهة: وعاظ وواعظات الأزهر يشاركون في توعية الحجاج بالمطارات والموانئ قبل الرحلة إلى الحج
وأشار إلى أن بعض الحجاج أصبحوا يبالغون في التصوير لدرجة تفقدهم روحانية المناسك، وتحوّلها إلى مجرد استعراض، مضيفًا: للأسف إحنا بدأنا نبالغ جدًا في تصوير المناسك، وكل خطوة نصورها وننشرها، التصوير مش حرام، لكن لازم يكون في حدوده، صورة بسيطة للأهل، للذكرى، ماشي، لكن لما الموضوع يبقى صور هنا وهناك، وإرسال لكل الناس، وكأنها رحلة سياحية، هنا نقول لك راجع نفسك
