كشف لاعب فريق الكرة الأول بالنادي الأهلي عن تفاصيل الخلاف الذي نشأ مع حسام حسن المدير الفني لمنتخب مصر، والذي أدى إلى استبعاده في الفترة الأخيرة.
ممكن يعجبك: برشلونة يعلن تجديد عقد رافينيا حتى 2028 بعد رحيل هانز فليك
تصريحات إمام عاشور
قال إمام عاشور في تصريحات تليفزيونية: عمري ما عملت مشكلة أو أقلب وشي على المدرب عندما يقولي إنت بره، واللي حصل في منتخب مصر إن ركبتي كانت واجعاني والدكتور كان موجود وقالي محتاجه راحة، فاستأذنت من المنتخب ومشيت، وأضاف: حسام حسن طلع وقال لازم إمام عاشور يعتذر، فمفيش مشكلة خرجت امبارح واعتذرت، وبعتذر للكابتن حسام حسن لو هو شاف حاجة أنا مش شايفها أو عملت حاجة وأنا مش واخد بالي، وشرف لي إني ارتدي قميص منتخب مصر، وبعتذر للكابتن حسام حسن تاني وتالت وعاشر، وأشار إمام عاشور في تصريحاته: فرصة خوض كأس العالم لمنتخب مصر أي حد يتمناها، وإحساس كبير جدًا، ونفسي أكون موجود، ومن الصعب رحيل رامي ربيعة عن الأهلي لأنه من ناشئي الأهلي، ومش من السهولة أمشي وأروح نادي تاني، وبقوله أنت أقدم من برج القاهرة في الأهلي، وكان نفسي تبقا موجود معانا في كأس العالم ولكن تلك هي كرة القدم.