قال الشيخ خالد الجندي، عضو المجلس الأعلى للشؤون الإسلامية، إن أول ما يجب على الإنسان فهمه في فقه الجمال هو أن يتقي الله في أقواله وأفعاله، موضحًا أن مَن يدّعي الإيمان عليه أن يلتزم بأوامر الله عز وجل، لا أن يتبع هواه ورغباته.
الشيخ خالد الجندي: يجوز كتابة المؤخر بالذهب لحفظ حقوق الزوجة
وأضاف عضو المجلس الأعلى للشؤون الإسلامية، خلال تصريحات تليفزيونية اليوم الخميس: القرآن وضع مبدأ جميلا جدًا لما قال: (وإن يتفرقا يُغنِ الله كُلا من سعته)، يعني ببساطة اللي عايز يرضي ربنا، يعمل الحاجة بمواصفات ربنا، مش بمواصفات نفسه وهواه
مقال له علاقة: وكيل أوقاف كفر الشيخ الأسبق يوضح أسباب نقل عدد من الأئمة بسبب الحج ويثير جدلًا حول قصر مرافقة الحجاج على فئة محددة
وأكمل الجندي: الآية الكريمة بتقول (فاستقم كما أُمِرت)، مش كما أردت، يعني امشي على اللي ربنا أمرك بيه، مش اللي أنت شايفه مناسب لك
وواصل الجندي: الشريعة قالتلك تدي مؤخر صداق، لكن اللي بيحصل النهاردة ده فتات مالوش قيمة، وعلشان كده بنصح الناس يكتبوا المؤخر بجرامات من الذهب
واقترح الجندي: ليه ما نكتبش المؤخر 20 جرام دهب؟ أو 50 جرام؟ أو نكتب ما يعادل قيمتهم بالفلوس، بالشكل ده نضمن إن حقها محفوظ وما يقلش مع الوقت
مقال له علاقة: لينك مباشر.. نتيجة الشهادة الإعدادية محافظة الجيزة 2025 بوابة التعليم الأساسي الصف الثالث الإعدادي …
وأردف الجندي: فيه حالات كتير، الراجل بيقول لمراته أبريني، وهي تقول له: خُد اللي أنت عايزه بس فُكني منك، والمؤخر اللي بتاخده بيبقى كأنه لا شيء، لا بيساعدها ولا له قيمة حقيقية
وتساءل مستنكرًا: يعني واحدة متجوزة بقالها 30 أو 40 سنة، ولادها كبروا ومبقتش حاضنة، لما تتطلق تروح فين؟ تعيش إزاي؟ مش لازم نفكر في مستقبلها؟، علشان كده إحنا طرحنا قبل كده فكرة وثيقة تأمين للأسرة، تضمن للمرأة حياة كريمة بعد الطلاق، خصوصًا لو قضت عمرها كله في خدمة بيتها وجوزها
وزاد الجندي: ربنا لما قال (فإمساكٌ بمعروف أو تسريحٌ بإحسان)، مش بس الفعل، لأ، ده بيشترط مواصفات للفعل، ولو أنت فعلًا صادق في نيتك، طبق الفعل زي ما ربنا طلب، مش زي ما مزاجك يقولك
