كشف الإعلامي شريف مدكور عن سبب عدم تأديته فروض الصلاة بالمسجد، بالإضافة إلى حديثه عن فترة مرضه وسبب رده المستمر على منتقديه خلال الفترة الماضية.
مواضيع مشابهة: محمد عبد الرحمن توتا يحل ضيفًا على برنامج فضفضت أوي مع معتز التوني الليلة
وقال شريف مدكور في تصريحات تليفزيونية: لو عملت برنامج ديني مش هاخد فيه أجر ومش هقول ليه علشان مزعلش حد، ولما كان عندي فقرة ثابتة مع عالم من علماء الأزهر مكنتش باخد أجر فيهم، كنت في عمرة وقلت يا رب عرفني أنك بتحبني، وبعدها عرفت أني عندي سرطان قولون، والناس كانت بتقف طوابير في رمضان علشان يطمنوا عليا، وفي ستات كانت بتجيلي من الأرياف ومعاهم حلل محشي، وأطفال راسميني سوبر مان وماسك فانوس، محدش شاف اللي أنا شفته واكتشفت حب الناس
شريف مدكور: مبروحش أصلي في المسجد لأنه دوشة
وعن سبب عدم تأدية فروض الصلاة بالمسجد، علق شريف مدكور: مبروحش أصلي في المسجد لأنه دوشة ومبعرفش أصلي، وقبل الصلاة بهيأ نفسي وبعمل خشوع مش هقول يوجا، وبقفل تليفوني وبنام على الأرض وبهيأ نفسي أني هقف لـ ربنا وببقى لابسة ملابس فضفاضة وببدأ صلاة في مكان معين في بيتي
مقال له علاقة: نادية الجندي تكشف كيف ساعدتها سميحة أيوب في تجاوز صعوبات تصوير مسلسل حلوة الدنيا سكر في لبنان خلال جائحة كورونا
شريف مدكور: مستني القيامة تقوم عشان أقف قدام المتنمرين أمام ربنا
أما عن سبب رده على منتقديه، أوضح شريف مدكور: بحب أرد وأحرجهم، وجزء كبير من اللي بيشتموا وبيتنمروا ليهم أسلوب معين فكنت عايز أوري الناس، وأبقى تافه لو اتضايقت من التنمر، لما تعبت وحللوا السرطان لقوا أنه مش وراثي وأنه حصل بسبب التوتر والزعل، واللي كان بيعتذرلي وقت مرضي كنت بقوله أسفك مش مقبول ده أنا مستني أموت والقيامة تقوم علشان نقف قدام بعض، لأنه مالوش الحق أنه يتكلم عني وعن عرضي، خليك في صفحتك وأنا في صفحتي